दफा २२२: फाँटवारी लिई अंशवण्डा गरी दिनु पनेछ

१) दफा २२० बमोजिम परेको नालिस वा प्रतिउत्तरबाट अंशवण्डा गरीदिनु पर्ने देखिन आएमा र नालिस वा प्रतिउत्तरसाथ सम्पत्तिको फाँटवारी पेश भएकोमा अदालतले अंशवण्डा गर्नु पर्ने सम्पत्ति यति हो, लुकाए छिपाएको छैन भन्ने व्यहोरा समेत उल्लेख गरी अंशियारहरूको कागज गराई अंशवण्डा गरीदिनु पर्नेछ ।

२) नालिस वा प्रतिउत्तरसाथ सम्पत्तिको फाँटवारी पेश नभएमा अदालतले म्याद तोकी अंशियारहरूसँग सम्पत्तिको फाँटवारी माग गर्नु पर्नेछ र त्यसरी तोकिएको म्यादभित्र अंशियारले सम्पत्तिको फाँटवारी पेश गरेमा उपदफा (१) बमोजिम अंशियारहरूको कागज गराई अंशवण्डा गरीदिनु पर्नेछ ।