दफा ११२ः प्रतिष्ठानले श्रमिकको कार्य सम्पादन मूल्याङ्कन गर्न सक्ने

१) प्रतिष्ठानले सामान्यतया वर्षको एक पटक श्रमिकको कार्य सम्पादन मूल्याङ्गन गराउन सक्नेछ।

२) उपदफा (१) बमोजिमको कार्य सम्पादन मूल्याङ्गनको आधार तथा कार्यविधि न्यायोचित र मनासिव रुपमा निर्धारण गर्नु पर्नेछ।

३) उपदफा (२) बमोजिमको आधार र कार्यविधि कार्य सम्पादन हुने अवधि प्रारम्भ हुनु अगावै श्रमिकलाई जानकारी दिनु पर्नेछ।

४) उपदफा (१) बमोजिम कार्य सम्पादन मूल्याङ्गन गरेपछि रोजगारदाता वा निजले तोकेको व्यक्तिले सम्बन्धित श्रमिकसँग निजको सवल पक्ष तथा कमजोर पक्षको बारेमा छलफल गरी कमजोरीहरु सुधार गर्न मनासिब अवसर दिनु पर्नेछ।

५) उपदफा (४) बमोजिम भएको मूल्याङ्गनमा सम्बन्धित श्रमिकले असहमति जनाएमा निजलाई असहमति उल्लेख गर्ने मौका प्रदान गरी कार्य सम्पादन मूल्याङ्गन फारममा हस्ताक्षर गराउनु पर्नेछ।

६) श्रमिकले उपदफा (५) बमोजिम असहमति जनाएमा सो सम्बन्धमा पुनरावलोकन हुने व्यवस्था प्रतिष्ठानले गर्नु पर्नेछ।

७) श्रमिकको कार्य सम्पादन मूल्याङ्गन सम्बन्धी अन्य व्यवस्था तोकिए बमोजिम हुनेछ।