दफा २६ः राष्ट्रिय सहकारी महासङ्घको कार्य

राष्ट्रिय सहकारी महासङ्घले सदस्यको हित प्रवर्द्धनका लागि देहाय बमोजिमका कार्य गर्नेछ

(क) सहकारी मूल्य, मान्यता र सिद्धान्तको परिपालना गर्ने, गराउने,

(ख) सदस्यको हित प्रवर्धनका लागि नेतृत्वदायी भूमिका निर्वाह गर्ने,

(ग) सहकारी क्षेत्रको प्रवर्धनको लागि नेपाल सरकारका विभिन्न निकायसँग समन्वय र सहकार्य गर्ने,

(घ) सहकारी व्यवसाय प्रवर्द्धनका लागि व्यावसायिक तथा बजार अध्ययन, अनुसन्धान गर्ने, गराउने,

(ङ) शिक्षा, तालीम र सूचना प्रदान गर्ने, गराउने,

(च) बजार सूचना प्रणालीको विकास गर्ने,

(छ) संस्था र सङ्गहरू बीचको पारस्परिक सहयोगमा अभिवृद्धि गर्ने, गराउने,

(ज) अन्तरराष्ट्रिय सहकारी अभियानमा पारस्परिक सहयोग अभिवृद्धि गर्ने, समन्वय र सम्बन्ध बिस्तार गर्ने,

(झ) सहकारी क्षेत्रमा सुशासन प्रवर्द्धन गर्ने,

(ञ) विनियममा उल्लेखित कार्यहरू गर्ने।