दफा १०: धितोपत्रहरूको निकासी र नामसारीमा नियन्त्रण

बैङ्कले तोकिदिएको व्यवस्था बमोजिम बाहेक कुनै व्यक्तिले देहायको कुनै कार्य गर्नु हुँदैनः-

(क) नेपाल बाहिरको कुनै स्थानमा कुनै धितोपत्र निकासी गर्न,

(ख) नेपाल बाहिर बसोबास गर्ने कुनै व्यक्तिको नाममा कुनै धितोपत्र नामसारी गर्न,

(ग) कुनै धितोपत्र आर्जन गर्न भनी वा भोग गर्न भनी वा नियन्त्रणमा राख्न भनी वा कुनै प्रकारले नेपाल बाहिर बसोबास गर्ने व्यक्तिलाई दिन।

स्पष्टीकरणः कुनै धितोपत्रको सम्बन्धमा “नामसारी” भन्नाले ऋण वा धितोपत्रको रूपमा गरिएको नामसारीलाई समेत जनाउँछ।