दफा ७४: कानून सुधारका सम्बन्धमा बैङ्कसँग परामर्श लिन सक्ने

१) बैङ्कको उद्देश्य वा यसको अधिकार क्षेत्रभित्रका मौद्रिक नीति तथा सञ्चालन, कर्जा, शोधनान्तर, विदेशी विनिमय र बैङ्किङ्ग जस्ता विषयसँग सरोकार राखे कानूनको संशोधन वा निर्माण वा सो सम्बन्धी कार्य सम्बन्धित निकायले बैङ्कसँग परामर्श लिन सक्नेछ।

२) उपदफा (१) बमोजिम माग भएको परामर्श दिनु बैङ्कको कर्तव्य हुनेछ।

३) बैङ्कको उद्देश्य वा यसको अधिकार क्षेत्र वा दक्षताभित्रका मौद्रिक नीति तथा सञ्चालन, कर्जा, शोधनान्तर, विदेशी विनिमय र बैङ्किङ्ग जस्ता विषयमा नयाँ कानूनको निर्माण वा भैरहेको कानूनमा संशोधन गर्ने प्रस्ताव नेपाल सरकार समक्ष पेश गर्ने अधिकार बैङ्कलाई हुनेछ ।