दफा १२१ः बीमक खारेज हुँदा दायित्वको भुक्तानीमा प्राथमिकता

प्रचलित कानूनमा जुनसुकै कुरा लेखिएको भए तापनि कुनै बीमकको खारेजी हुँदा वा दामासाहीमा पर्दा दायित्वको भुक्तानी देहायको प्राथमिकताको आधारमा गर्नु पर्नेछ:-

(क)बीमक खारेजी वा दामासाहीको प्रक्रियामा लागेको खर्च,

(ख)बीमितलाई भुक्तानी गर्नु पर्ने वा भुक्तानी गर्न बाँकी रकम,

(ग) प्रचलित कानून बमोजिम नेपाल सरकारलाई बुझाउनु पर्ने कर, दस्तुर र शुल्क,

(घ) प्राधिकरणलाई बुझाउनु पर्ने नियमन शुल्कको रकम,

(ङ) बीमा मध्यस्थकर्ताले पाउने पारिश्रमिक वा कमिशन,

(च) अन्य बीमकलाई भुक्तानी गर्न बाँकी बीमा बापतको रकम,

(छ) कर्मचारीलाई भुक्तानी दिन बाँकी तलब, भत्ता, सञ्चय कोष, उपदान र अन्यरकम,

(ज) बीमकले व्यहोर्नु पर्ने अन्य दायित्व,

(झ) बीमकले भुक्तानी गर्नु पर्ने वा पूरा गर्नुपर्ने अन्य कुनै दायित्व,

(ञ) शेयरधनीले पाउने रकम।