दफा ३९कः प्रदेशमा वित्तीय संस्थाको सञ्चालन सम्बन्धी व्यवस्था

¹१) नेपाल राष्ट्र बैङ्कले तोकेको सीमा, शर्त वा निर्देशनको अधीनमा रही प्रदेशस्तरका सीमित रही वित्तीय संस्थाको सञ्चालन गर्न सकिनेछ ।

२) उपदफा (१) बमोजिमको वित्तीय संस्थाले नेपाल राष्ट्र बैङ्कबाट निर्धारित इजाजत नीतिको अधीनमा रही प्रदेशले बनाएको कानुन बमोजिम ईजाजतपत्र लिनु पर्नेछ ।

३) यस दफा बमोजिम सञ्चालन भएका वित्तीय संस्थाको नियमन, निरीक्षण तथा सुपरीवेक्षण नेपाल राष्ट्र बैङ्कबाट हुनेछ ।

४) प्रदेशस्तरका वित्तीय संस्थाको सञ्चालन सम्बन्धी अन्य व्यवस्था यस ऐनको अधीनमा रही सम्बन्धित प्रदेशको कानुनमा व्यवस्था भए बमोजिम हुनेछ ।

^{1 नेपालको संविधान अनुकूल बनाउन केही नेपाल ऐनलाई संशोधन गर्ने ऐन, २०७५ द्वारा थप ।}