दफा ३४ः पुनर्संरचना कार्यक्रम कार्यान्वयन गर्ने

१) यस परिच्छेद अन्तर्गत साहूको सभाले पारित गरी अदालतबाट स्वीकृत भएको पुनर्संरचना कार्यक्रम कार्यान्वयन गर्ने जिम्मेवारी कम्पनीको हुनेछ।

२) उपदफा (१) बमोजिमको कार्यक्रमको कार्यान्वयनमा सुपरिवेक्षण तथा प्रबन्ध गर्नको लागि अदालतले पुनर्संरचना व्यवस्थापकलाई तोक्न सक्नेछ।

¹३) यस दफा बमोजिम पुनर्संरचना कार्यक्रम कार्यान्वयन गर्दा सबै असुरक्षित साहूहरूलाई समान व्यवहार गरिनेछ।

¹सम्पत्ति शुद्धीकरण (मनी लाउण्डरिङ्ग) निवारण तथा व्यावसायिक वातावरण प्रवर्द्धन सम्बन्धी केही ऐनलाई संशोधन गर्ने ऐन, २०८० द्वारा थप।