दफा ३०: समितिको बैठक र निर्णय

१) समितिको बैठक कम्तीमा छ महिनाको एक पटक बस्नेछ र आवश्यकता अनुसार जतिसुकै पटक पनि बस्न सक्नेछ ।

२) समितिको बैठक अध्यक्षले तोकेको मिति, स्थान र समयमा बस्नेछ ।

३) समितिको सदस्य-सचिवले समितिको बैठक बस्नु भन्दा कम्तीमा चौबीस घण्टा अगाडि बैठकमा छलफल हुने विषय संलग्न गराई बैठक मिति, समय र स्थानको जानकारी समितिका सदस्यहरूलाई उपलब्ध गराउनु पर्नेछ ।

४) उपधारा (३) मा जुनसुकै कुरा लेखिएको भए तापनि विशेष कारण परी समितिको बैठक बोलाउन अत्यावश्यक भएमा सोभन्दा कम अवधिको सूचना दिई बैठक बोलाउन सकिनेछ ।

५) पचास प्रतिशतभन्दा बढी समितिका सदस्यहरू उपस्थित भएमा बैठकको लागि गणपूरक संख्या पुगेको मानिनेछ ।

६) समितिको बैठकको बहुमतको निर्णय समितिको निर्णय मानिनेछ । मत बराबर भएमा बैठकमा अध्यक्षता गर्ने व्यक्तिले निर्णायक मत दिनेछ ।

तर कोषमा रोजगारदाताको तर्फबाट बीस प्रतिशत र श्रमिकको तर्फबाट एघार प्रतिशतभन्दा हुने गरी योगदानयोग्य आयको योगदान दर निर्धारण गर्नुपर्ने भएमा निर्णय गर्दा दफा २९ को उपदफा (१) को खण्ड (छ) र (ज) बमोजिमका सदस्यहरु उपस्थित भएको बैठकको निर्णयबाट गर्नु पर्नेछ ।

७) समितिले आवश्यकता अनुसार कुनै विज्ञ वा विशेषज्ञलाई समितिको बैठकमा आमन्त्रण गर्न सक्नेछ । समितिको बैठकमा आमन्त्रित व्यक्तिलाई मतदानको अधिकार हुने छैन ।

८) समितिको बैठकको निर्णय सदस्य-सचिवले प्रमाणित गर्नेछ ।

९) समितिको बैठक सम्बन्धी अन्य कार्यविधि तोकिए बमोजिम हुनेछ ।