दफा २० : जमानत सम्बन्धी करार बदर गराउन सक्ने अवस्था

देहायको अवस्थामा जमानत दिने व्यक्तिले जमानत सम्बन्धी करार बदर घोषित गराउन सक्नेछः

(क) साहू स्वयंले वा निजको सहमतिमा अरू कसैले जुन कारोबारको सम्बन्धमा जमानत दिएको हो सो कारोबारसँग सम्बन्धित विषयको बारेमा जमानत दिने व्यक्तिलाई गलत वा भ्रामक सूचना वा जानकारी दिई जमानत प्राप्त गरेको भएमा,

(ख) जमानतको विषय वा धनमाल वा तथ्य नै लुकाएको वा उल्लेख नगरेको भएमा,

(ग) कुनै तेस्रो व्यक्ति समेत जमानी रहने गरी करार भएकोमा त्यस्तो तेस्रो व्यक्तिले जमानत दिन सहमति नदिएको भएमा ।